蔡锷与小凤仙

小凤仙写给蔡锷的信的内容！或者这部戏的经典爱情对白！！！

一行书信一行泪

松坡, 系时候离开你啦,
从一开始 就觉得你唔会属於我架, 可能我唔够豁达, 唔够雍容, 唔够涵养, 我唔配...

系山东回程嘅途中, 你改变咗我嘅生命。
当你喺渡头嘅时侯 讲咗一声, 你好欣赏我, 当我系朋友,
喺果一刹那, 我得到咗好大嘅鼓舞, 我得到咗新生。
可能喺果个时候开始, 我已经搵到我嘅如意郎君

喺火车上面与你嘅谈话, 令我更加认识你。
你开阔咗我嘅眼界, 开阔咗我对生活嘅睇法…

唔知道 从咩嘢时侯开始, 我对国家 对民族 亦都产生咗浓浓嘅感情
果一日 我睇到你对学生 慷慨激昂嘅陈词
你对失落国土果一种伤痛, 睇到你流泪, 我亦都不其然跟住你流下眼泪
我知道, 我已经深深咁爱上咗你,

我爱你 有爱国无私嘅情操, 至死不渝嘅眼神…...

今日, 我睇到你为我铺床叠被, 做尽一切日常琐碎嘅家务,
我发觉 我甜在心头之余, 正喺道摧毁紧一个民族英雄,
我於心何忍?

虽然 我需要你永远 永远 永远咁留喺我身边,
但系四万万嘅中国人, 更加需要一个有志之士
嚟解救佢地系水深火热之中。
有时我会怨恨, 点解冇一个人可以代替你,
但系我亦都庆幸, 曾经同你度过一段咁难忘、值得回味嘅日子。

点解会突然之间 觉得你系完完全全属於我? 系假象?
唔系, 从你嘅眼神话俾我知, 一切都系真架, 我系几咁幸福......
但系一个自私嘅女人,系唔配留系你身边架。

忽然之间, 我发觉只有远离你, 先系最接近你, 先至系最值得你去爱嘅女人
今日我只有离开, 唔成为你嘅负累, 先至可以成就你嘅逃亡,
所以我只能独自上路,但我一d都唔孤独。
因为有你永远喺我心里面, 我地系几咁贴近….

曾经沧海难为水, 除却巫山不是云.
认识你 令我 取次花丛懒回顾,
但系 系何等值得

人生得一所爱, 夫复何求?
你喺我心命中嘅出现, 足够我回味一生

今生缘份未了, 期待来生再续….爱你

凤云