形容夜上海外滩的句子,寻找上海话的童谣

形容夜上海外滩的句子,寻找上海话的童谣

落雨了，打烊了，小八腊子开会咯, 廿四路电车打弯喽。
摇啊摇、摇到外婆桥，外婆叫我好宝宝。糖一包，果一包，外婆买条鱼来烧。头勿熟，尾巴焦，盛在碗里吱吱叫，吃拉肚里豁虎跳。跳啊跳，一跳跳到卖鱼桥，宝宝乐得哈哈笑。
山里有只庙，庙里有只缸，缸里有只碗，碗里有只蛋，蛋里有个小和尚，嗯呀嗯呀要吃绿豆汤。
笃笃笃,买糖粥,三斤核桃四斤肉,吃你的肉还你的壳,张家老伯伯问我要只小黄狗
今朝礼拜三，我去买洋伞，落特三角三，打只电话三零三，跑到喜马拉雅山，屁股掼了粉粉碎。
阿唷哇，作啥啦？蚊子咬我呀，快点上来呀。
一歇哭,一歇笑,两只眼睛开大炮, 一开开到城隍庙，城隍老爷哈哈笑。
侬姓啥，我姓黄，啥个黄，草头黄，啥个草，青草，啥个青，碧绿青，啥个碧，毛笔（碧），啥个毛，三毛，啥个三，高山（三），啥个高，年糕（高），啥个年，一九**年，倷姆妈养了个小白脸，摆了面盆里，掼了污坑里
本来要打千千万万记，现在辰光来不及，马马虎虎打十记，1、2、3、4、5、6、7、8、9、10，打了十记还勿够，还要打三记，1、2、3
小三子，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边解裤子，拨拉红头阿三看见仔，拖到巡捕行里罚角子。
山上有只老虎，老虎要吃人，拿伊关勒笼子里。笼子坏脱，老虎逃脱，逃到南京，逃到北京，买包糖精，摆勒水里浸一浸，米西米西拉胡琴。
希望满意= =