《我的最爱》
- 提问者网友：临风不自傲
- 2021-04-27 03:05
- 五星知识达人网友：第幾種人
- 2021-04-27 03:22
Stephy恳求Alex帮距报仇果阵，因为无钱比Alex驳斥：“你无钱点学人报仇啊？想平啊？摞廿鸡买把生果刀队距咯！够平啦！”
Stephy去财务公司借钱报仇，当被问到借钱理由果阵，比客户代理拒绝时，伤心欲绝讲出自己既原因：“你有无试过失恋啊？你有无试过比你最好既朋友抢走你既男朋友啊？距有心噶！距第一日离铺头就想连人带铺抢走晒我！距讲得岩啊，呢个世界无人信得过噶！最靠得住既都系自己！系我太信淇淇，系我太信我男朋友啊！系我亲手将距送上的士噶！系我亲手送距比淇淇噶！呢张生日卡，自从我同距分开左之后，我每一日都带住系身，系我同阿俊第一年既时候距送比我既生日卡离噶，我同分左手之后，我每一日都打开距，距同我讲，我系距既“我的最爱”，但原来最诚实既说话，系最虚伪既大话离噶！距既“我的最爱”根本就唔系我，我就好似电脑，“我的最爱”永远都有好多，中意既就KEEP，唔中意既就DELETE！就算我真系比人呃，我都唔会后悔噶！就当赌一铺，我都输得心甘命抵！”
Stephy比Alex灌醉之后，Alex想掉低Stephy一个人，然后Stephy讲出自己既真心话：“个个都话你会呃我，我话你唔会呃我噶！你话过会帮我噶嘛！你话过要帮我报仇！你讲过要算数啊！唔系蒜头个蒜，系算数个算啊！我信你！我信你噶！”
唐宁睇电影被影响，发脾气台词：“头先啊，刘德华讲几多句，距就答翻几多句！到金城武讲野仲大镬，距直头代埋李连杰答添！”
Alex见到前女友钟嘉欣，距原谅左Alex以前呃距，对于钟嘉欣既善良，Alex感到十分内疚！
A：我呃你噶！你做乜野对我甘好啊！
S：你边有呃我喈！我信你唔会呃我噶！
A：我无呃你？！下？我乜野离噶？！我老千离噶！我唔呃你呃边个啊！下~？
S：如果你呃我啊你就唔会同我讲甘多野啦！
A：距都话要见我啊！我边有面去见距啊！系我呃距噶！我试过争人大耳窿数啊！我呃晒我女朋友家姐D钱啊！系我呃距噶！系我呃距噶……我呃到距家姐要自杀啊！距仲话唔怪我，距仲叫我去探距啊……距系米痴线噶？！下~？我宁愿距嬲我一世啊！距当距自己系乜野啊！当距自己系菩萨啊？当可怜我啊？
S：你唔好甘啦。你喊啦，你喊左会舒服D噶！其实你好好噶啦，你都识得内疚啦，你内疚即系知错啦！知错米可以改咯！我信你你得噶！
胡清蓝同唐宁分手后，去左稳Miki，想同距系埋一齐，跟住Miki拒绝左呢个“后备情人”
M：你唔好甘细路仔啦！
H：我真系好中意你噶！
M：中意……同可唔可以系埋一齐已经系两件好唔同既事啦！其实我地大家只可以当大家系后备。无可能系正选！就好似落场踢波甘，做后备既永远系球场外围做下热身，睇人踢波。时间好快就会过，但正选真系要上场，好大压力噶！就系大家当大家系后备，好多野得过且过，如果真系拍拖既话，咩缺点都会见到晒，大家未必顶得顺！我结婚噶啦，不如我地大家净系记住大家一齐开心既野啊！唔开心既……忘记距！我喜欢你，我永远也喜欢你！
H：讲得唔错喔
M：你教我噶嘛，我永远都会记住！
胡清蓝后来稳翻唐宁，唐宁既内心剖白
T：我知我以前对你好差，但我唔想噶，我系一个唔识得爱人既人，或者系因为……从来都无人爱过我！我成日都发你脾气，我系想你了解我啊，我好多野都想同你讲啊！ 但我见到你，我唔知……我唔知点讲啊！
H：你慢慢讲啦，只要你肯讲我都肯听。
T：我唔系话想CHECK你电话啊，但同买衫唱K一样，呢D系我嗜好啊！我希望你身边既女人全部都系肥婆、猪排同试奶啊！我离M果阵时，真系可以大晒，可以乱发脾气！但一个月你都系忍我几日喈。我发烂渣既时候……叫你唔好稳我，永远都系假噶！你一定要离稳翻我啊！我发脾气同你讲既野，千其唔好当真啊，我话唔好，即系好。我话唔要即系要。我话唔想即系想，你明唔明啊？我平时系街走左去果阵时候，你一定要追翻我啊，我唔想系玻璃同倒后镜果度睇到你有无跟住系我后面啊！我成日都想话减肥，其实我最想听到你同我讲：“你一D都唔肥，我中意米得咯！”我无安全感，系因为我太爱你，我唔可以无左你啊。阿风啊，你唔好掉低我啦。
H：有无人同你讲过，爱一个人系讲TIMING噶，我同你系唔岩既TIMING系埋一齐，唔WORK噶。你值得有一个更加爱你既人，其实，我见到你依家甘，我反而仲开心，因为你变左啦，你将来一定会稳到一个，你又好爱距，距又好爱你既人。但我无甘好彩，我唔系呢个人。真正爱一个人，应该比距自由，唔系要去完全甘占有距，系一个朋友岩岩教识我噶。我同你都应该比对方更加多自由。因为我地都系爱对方噶嘛！傻妹啊，唔好喊啦，我地系唔会分开噶，因为好朋友系永远都唔会分开噶嘛！
Alex稳徒弟森美呃翻曾恺弦之后表示想收手唔做老千，同森美既一段对话
A：我想做翻自己，好多年前有人叫我做，但我做唔到。最近我又遇到另一个人，距话我得噶，所以我想试下！
S：师傅，你谈紧恋爱啊？你讲野甘张小娴……不过睇你个样甘忧郁，应该追唔到既多啦！
A：或者我根本无追过呢！距要既野，我根本比距唔到。
发觉上面系好多人既真实写照，写出左好多人既谂法，道出左好多人想讲但讲唔到，想做又做唔到，讲到但唔想讲，做到但唔想做既野，大家睇完之后相信会有好大既感触！